主页 > H生活人 >搵食搵到上半空!新活时报Miss Sunny

搵食搵到上半空!新活时报Miss Sunny

2020-07-12 669浏览量
Text: 新活时报MISS SUNNY Photo: Eric

(Presented by Sky Dining 101)

香港人为咗食,可以去到几尽?无错,就係上天下海都在所不辞!今次同大家介绍返个「离地」新食点,就係喺全港最高嘅环球贸易广场101楼嘅Sky Dining 101~一上到去,就有一种居高临下嘅感觉,喺咁高望维多利亚港真係好靓呀~ 不过唔好挂住睇风景而唔记得食饭呀!Sky Dining 101全层总共有4间餐厅,4间都一样咁高质㗎~

天空龙吟

如果你係日本通,你一定有听过龙吟~ 天空龙吟就係佢哋第一间海外分店,开咗几个月就拎咗米芝莲2星,仲获选亚洲50最佳餐厅添!而家就嚟夏天,天空龙吟就特登出咗啱夏天食嘅顶级怀石料理,见到已经好开胃!

搵食搵到上半空!新活时报Miss Sunny
北海道毛蟹

「北海道毛蟹」係大厨嘅创意之作,碟上每个元素好似蟹肉、甜番茄同柑橘啫喱嘅味道都好唔同,但估唔到鲜、甜、酸加埋一齐又好夹喎!

搵食搵到上半空!新活时报Miss Sunny
虾夷鲍鱼(前)、备长碳烧鳗鱼(中)、北海道毛蟹(后)

订座电话:2302 0222

田舍家

讲到食,日本人真係好有智慧!田舍家深信「不时不食」呢个道理,所以佢哋嘅怀石料理全部都係用最时令嘅食材整成㗎~ 而家去就可以食到以夏日作主题嘅怀石料理,由前菜、主食到甜品有成10样嘢咁多,劲丰富呀!

搵食搵到上半空!新活时报Miss Sunny
铁板烧原壳龙虾

龙虾鲜甜又爽口,真係啱晒热辣辣嘅夏天呀~怀石料理其中一味「铁板烧原壳龙虾」,鲜味十足,食多多都唔觉腻!

搵食搵到上半空!新活时报Miss Sunny
田舍家夏之怀石料理

订座电话:2972 2666

龙玺

一见到「为食总司令」帜哥,就知一定有好嘢食~其实帜哥除咗识食,佢开嘅龙玺一样好好食㗎!除咗食材矜贵,装修华丽之外,加埋无敌维港大海景,请人食饭一啲都唔失礼!

搵食搵到上半空!新活时报Miss Sunny
春风一夜情:野生笋壳鱼

春风一夜情:野生笋壳鱼个名真係好过瘾呀!野生笋壳鱼係特登喺沙巴自设渔船捉返嚟,先用药材同香料腌足一晚,再风乾同煎香,工序劲繁複,呢啲功夫菜而家真係好难搵㗎!

搵食搵到上半空!新活时报Miss Sunny
(由前至后)春风一夜情:野生笋壳鱼、金网白玉锅贴、山西黑醋薰鸡、澳洲石蚝春卷

订座电话:2568 9886

波士厅•101

唔想做死一世打工仔?去波士厅食饭,你都可以做老闆…… 一晚咁多哈哈!波士厅出名顾客至上,服务好到不得了,仲连续两年拎到「米芝莲星级食肆」,好多明星都係熟客仔嚟添~

搵食搵到上半空!新活时报Miss Sunny
砂锅乾迫海斑

招牌菜砂锅乾迫海斑由大厨独家创作,锅底铺满蒜子,一开盖阵香味真係无得输!海斑再淋上秘製酱汁,仲鲜味过原汁原味嘅蒸鱼!

搵食搵到上半空!新活时报Miss Sunny
吉品扣花胶刺参(前)、砂锅乾迫海斑(中)、大澳艇家虾酱炸鸡(后)

订座电话:3955 1755

后记:

难得上到101楼食饭咁大阵仗,大家记住相机跟身呀!因为除咗有无敌大海景可以疯狂影相之外,啲菜式卖相都好靓好值得影完放上facebook呃like㗎!

ICC环球贸易广场

地址:九龙柯士甸道西1号环球贸易广场(ICC)101楼

 

上一篇: 下一篇:
申博太阳城_申博亚洲域名更新|大型互动交流交友|网站地图 申博667878 申博sunbet360